UMUKINO W’U RWANDA N’UBURUNDI

Ikipe y’Igihugu y’u Rwanda y’Abagore mu mukino wa Basketball yo gukina ari 3 kuri 3 (3x3) yagarutse mu gihugu itahanye umwanya wa kane (4) mu gikombe cya Afurika, nyuma y’urugendo rutoroshye rwaranzwe no guhatana kugeza ku munota wa nyuma.

‎

‎Nyuma yo kwitwara neza mu cyiciro cy’amatsinda no kwerekana imbaraga z’umwihariko mu mikino ikomeye yatsinze, abanyarwandakazi bageze muri ½ cy’irangiza bahabwa amahirwe menshi n’abakunzi b’uyu mukino. Ariko mu mukino wo guhatanira umwanya wa gatatu, bakinnye na Kenya yaje kuba nk’igihangange kitorohera na rimwe, maze Rwanda iratsindwa bituma ifata umwanya wa kane.

‎

‎Nubwo bugarutse batabashije kwegukana umudali, abakobwa b’u Rwanda berekanye ko bafite ubushobozi, ubwitange n’inyota yo kuzamura ibendera ry’igihugu. Abakurikiranira hafi uyu mukino bavuga ko uru rugendo ari intangiriro y’igihe gishya, kuko ikipe yerekanye ko ishobora guhatana ku rwego rwo hejuru kandi ikarusha ubumenyi bwinshi izindi ekipemu myaka iri imbere.

Written: Migisha Janviére